കോട്ടയം : ജില്ലയില് കെ-ഫോണ് കണക്ഷനുകളുടെ എണ്ണം 15,000 പിന്നിട്ടു. വീടുകള്, ഓഫീസുകള്, വാണിജ്യ സ്ഥാപനങ്ങള്, സര്ക്കാര് ഓഫീസുകള് എന്നിവിടങ്ങളിലായി കെ-ഫോണിന് ലഭിച്ചുവരുന്ന മികച്ച സ്വീകാര്യതയാണ് ഈ നേട്ടത്തിന് വഴിയൊരുക്കിയത്. ഗാര്ഹിക ഉപയോക്താക്കള്ക്കും സര്ക്കാര് സ്ഥാപനങ്ങള്ക്കും ഒരുപോലെ വിശ്വസനീയമായ ബ്രോഡ്ബാന്ഡ് സേവനം ലഭ്യമാക്കുന്നതിലൂടെ ജില്ലയിലെ ഡിജിറ്റല് ഉള്ക്കൊള്ളല് കൂടുതല് ശക്തിപ്പെട്ടിട്ടുണ്ട്. ദാരിദ്ര്യരേഖയ്ക്കു താഴെയുള്ള കുടുംബങ്ങള്ക്കും സര്ക്കാര് സ്ഥാപനങ്ങള്ക്കും സൗജന്യമായും മിതനിരക്കിലുള്ളതുമായ ഇന്റര്നെറ്റ് സേവനം ലഭ്യമാക്കുന്ന കെ-ഫോണ്, സംസ്ഥാന സര്ക്കാരിന്റെ ഡിജിറ്റല് കേരളം ലക്ഷ്യത്തിന് ശക്തമായ പിന്തുണ നല്കുന്നുണ്ട്.
ജില്ലയിലെ വിവിധ ഭാഗങ്ങളിലായി വിപുലമായ ഒപ്റ്റിക്കല് ഫൈബര് ശൃംഖലയും പ്രാദേശിക നെറ്റ്വര്ക്ക് ഓപ്പറേറ്റര്മാരുടെ സഹകരണവും കെ-ഫോണിന്റെ സേവന വ്യാപനത്തിന് കരുത്തേകുന്നു. പുതിയ ഗാര്ഹിക കണക്ഷന് എടുക്കാന് എന്റെ കെ-ഫോണ് എന്ന മൊബൈല് ആപ്പിലൂടെയോ കെ-ഫോണ് വെബ്സൈറ്റിലൂടെയോ രജിസ്റ്റര് ചെയ്യാം. 18005704466 എന്ന ടോള്ഫ്രീ നമ്പര് വഴിയും കണക്ഷനായി രജിസ്റ്റര് ചെയ്യാം. കെ-ഫോണ് പ്ലാനുകളെയും ഓഫറുകളെയും കുറിച്ച് കൂടുതല് അറിയാന് കെ-ഫോണ് ഔദ്യോഗിക വെബ്സൈറ്റായ https://kfon.in/ സന്ദര്ശിക്കുകയോ 90616 04466 എന്ന വാട്സ്ആപ്പ് നമ്പരില് KFON Plans എന്ന് ടൈപ്പ് ചെയ്ത് മെസേജ് അയയ്ക്കുകയോ ചെയ്യാം.
Deepika
E-paper LOGIN
LOGIN
